काठमाडौं । अब जुनसुकै बैंकको एटीएमबाट पैसा निकाल्दा समेत ग्राहकले अतिरिक्त शूल्क भुक्तानी गर्नु नपर्ने भएको छ । कोरोना भाइरसको महामारीका बीचमा आएको यो नीतिलाई स्थायी रुपमा लागु गर्नुपर्ने निर्णय नेपाल राष्ट्र बैंकले गरेको छ ।
यसअघि बैंकले कोरोनाको त्रास रहुन्जेलका लागि मात्रै यो व्यवस्था लागू गर्न बैंकहरुलाई निर्देशन दिएको थियो । तर, आइतबारबाट भने सँधैका लागि शुल्क नलिन राष्ट्र बैंकको भुक्तानी प्रणाली विभागले निर्देशन दिएको छ ।
लकडाउनका बेला बैंकर्स संघबाटै निर्णय भएर यस्तो शुल्क हटाइएको थियो । अब ग्राहकले जुन सुकै स्थानको एटीएमबाट पनि जुनसुकै बैंकको समेत रकम बीना शूल्क निकाल्न सक्नेछन् ।
पछिल्लो समय नेपालमा एटीएमभन्दा बढी अनलाइन प्रणाली कार्यान्वयनमा आइसकेको छ । लकडाउन खुलेपछि पनि एटीएम प्रयोग गर्दा पुनः शुल्क काट्ने गरिएको थियो ।