काठमाडौं । अमेरिकामा राष्ट्रपति ट्रम्प विरुद्ध विशाल प्रदर्शनहरु सुरु भएका छन् । यस्तो प्रदर्शन देशैभर भइरहेको बीबीसीले जनाएको छ । राष्ट्रपति पद सम्हालेयता ट्रम्पले यति ठूलो विरोध प्रदर्शनको सामना गरेका हुन् । प्रदर्शन ५० राज्यका १२ सय भन्दा बढी स्थानमा भइरहेको छ । प्रदर्शनकारीले सामाजिक तथा आर्थिक मुद्दामा ट्रम्पले लिएको नीतिको आलोचना गरिरहेका छन् ।
खासगरी ट्रम्पले विश्प व्यापार नै प्रभावित हुने गरी लिएका कर नीतिको बढी आलोचना भइरहेको छ । अमेरिकासँगै विदेशमा समेत ट्रम्पको विरोधमा प्रदर्शन भएका छन् । जसमा लण्डन, पेरिस र बर्लिनमा समेत विरोध प्रदर्शन भएको खबर छ । आप्रवासन नीतिसँग सम्बन्धित विषयमा समेत ट्रम्पको आलोचना तथा विरोध भइरहेको छ । प्रदर्शनका दौरान इलन मस्कको समेत व्यापक विरोध भइरहेको छ ।