अमेरिकी डिफेन्स टीमबाट नेपाललाई ३ लाख डलर बराबरको स्वास्थ्य सामग्री प्रदान

काठमाडौं । यूएस डिर्पाटेमन्ट अफ डिफेन्स टीमले नेपाललाई स्वास्थ्य सामग्री प्रदान गरेको छ । नेपालस्थित अमेरिकी दुतावासले शुक्रबार यी मेडिकल सामग्री नेपाललाई हस्तान्तरण गरेको जनाएको छ । दूतावासले नेपालस्थित अमेरिकी मिशन महामारीको यो समयमा यथासक्य मेडिकल उपकरणको नेपालमा पहुँच बढाउन निरन्तर प्रयासरत रहेको उल्लेख गरेको छ । टीमले स्वास्थ्य तथा जनसंख्या मन्त्रालयमा झन्डै ३ लाख अमेरिकी डलर बराबरको श्वासप्रस्वास सम्बन्धी उपचारमा प्रयोग हुने उपकरण तथा अक्सीजन मास्क हस्तान्तरण गरेका हुन् । नेपाल सरकारका विभिन्न निकायसँग अमेरिकी सरकार नेपालको कोभीड् १९ सम्बन्धी प्रतिकार्यलाई चुस्त बनाउन र जीवन बचाउने उपकरण उपलब्ध गराउन प्रयासरत रहेको समेत दूतावासले उल्लेख गरेको छ । यसअघि अमेरिकाबाट विभिन्न मेडिकल सामग्री आइसकेको छ । अमेरिकाले कोभ्याक्स कार्यक्रममार्फत १५ लाख ४० हजार डोज खोप समेत दिइसकेको छ ।