काठमाडौं । दक्षिण तथा मध्य एसिया मामिलाका लागि अमेरिकी सहायक विदेशमन्त्री डोनाल्ड लु नेपाल आउने निश्चित भएको छ । १ मंसिरमा उनी नेपाल आउन लागेको परराष्ट्र मन्त्रालय स्रोतले पुष्टी गरेको छ । नेपालमा उनले प्रधानमन्त्रीसहित उच्चस्तरीय अधिकारीसँग भेट्ने भएका छन् । कात्तिक २९ मा माल्दिभ्स भ्रमणमा आउने उनी त्यहाँबाट नेपाल आउने गरि कार्यक्रम तय भएको हो ।
यो पछिल्लो दुई महिनायता अमेरिकाबाट हुन लागेको दोस्रो महत्वपूर्ण भ्रमण हो । यसअघि मिलेनियम च्यालेन्ज कर्पोरेसन (एमसीसी) उपाध्यक्ष फातिमा सुमार नेपाल आएकी थिइन् । यस भ्रमणका दौरान कुन कुन एजेण्डामा कुरा हुनेछ भन्ने खुलेको छैन । यद्दपी अमेरिकाको चासो भने एमसीसीमै हुने छ ।