न्युयोर्क
अमेरिकी डलरको मुल्य नेपाली मुद्राको बिनिमय दरसँग लगातार उकालो लाग्न थालेको छ । बिगत डेढ हप्तादेखि लगातार उकालो लागेको डलरको मुल्य शुक्रबार यो बर्ष कै उच्च मुल्य कायम भएको छ । शुक्रबार राष्ट्र बैँकले एक अमेरिकी डलर बराबार १ सय २० रुपैयाँ ०८ पैसा बिक्री दर तोकेपछि नेपाली रुपैयासँग अमेरिकी डलरको मुल्यले डेढ बर्ष भित्र कै नयाँ रेकर्ड कायम गरेको हो ।
नेपाली रुपैयाँ र भारतीय रुपैयाँबीच स्थिर विनिमय दर कायम हुँदै आएको अवस्थामा पछिल्ला समय विश्व बजारमा भारतीय रुपैया कमजोर भएपछि नेपाली रुपैयामा असर परेको बिज्ञहरुको तर्क छ । हाल विश्व बजारमा अमेरिकी डलरको माग अत्याधिक बढेको छ । कोभिड महामारीपछि पनि अमेरिकी अर्थतन्त्र सकारात्मक दिशा तर्फ नै अगाडि बढ्नुले विश्व बजारमा अमेरिकी डलरको माग अत्याधिक बढेको हो । तर भारतको अर्थतन्त्र भने अपेक्षाकृत रुपमा सुधार उन्मुख नभएपछि अमेरिकी डलरसँग भारतीय रुपैया कमजोर भएको मार नेपाली मुद्राको बिनिमय दरमा पर्न थालेको छ ।