आजबाट नियमित आन्तरिक हवाई उडान हुँदै

काठमाडौं । नेपालमा आजबाट आन्तरिक हवाई उडान नियमित हुँदैछ । कोरोना भाइरसको दोस्रो लहर फैलिएसँगै सरकारले २० वैशाखबाट उडानमा प्रतिवन्ध लगाएको थियो । त्यसबेला निषेधाज्ञाको बीचमा पनि उडान जारी थियो । तर, आलोचना पछि हवाई उडान समेत बन्द भएको हो । मन्त्रिपरिषद्ले साविकको तुलनामा ५० प्रतिशत यात्रु राखेर उडान गर्न दिने निर्णय गरेअनुसार उडान सूचारु भएको हो ।

नेपाल नागरिक उड्डयन प्राधिकरणले दैनिक ६४ वटा उडान हुने गरि तालिका मिलाएको छ । आजबाट बुद्ध एयरले दैनिक ३१, यति एयरलाइन्सले १५, श्री एयरलाइन्सले ७, सौर्य एयरलाइन्सले ३ उडान गर्नेछन् । दुर्गम भेगमा उडाउने कम्पनीले भने काठमाडौंबाट दैनिक ८ उडानको अनुमति पाएका छन् । हवाई यात्रामा स्वास्थ्य मापदण्ड अनिवार्य गरिएको छ ।