काठमाडौं । प्रधानमन्त्री तथा नेपाल कम्युनिष्ट पार्टी (नेकपा) का अध्यक्ष केपी शर्मा ओलीले आफुनो गूटमा रहेका नेता र विघटित प्रतिनिधिसभाका सदस्यहरुलाई वालुवाटारमा भेला गराएका छन् । उनीहरुलाई ९ बजे बिहान आमन्त्रण गरिएको छ ।
प्रधानमन्त्रीको सिफारिसमा राष्ट्रपति विद्यादेवी भण्डारीले प्रतिनिधिसभा विघटन गरेपछि नयाँ निर्वाचनको मिति तोकिएको छ । यसले निम्तिएको राजनीतिक परिस्थितिका बारेमा नेताहरुलाई ओलीले बिफ्रिंग गर्ने बताइएको छ ।
प्रधानमन्त्रीमाथि पार्टीले कारवाही गर्ने तयारी गरिरहेको छ । यस अवस्थामा उनी नयाँ पार्टी गठनको प्रक्रियामा समेत जानेछन् । प्रधानमन्त्री स्वयमले निम्त्याएको अस्थिरतालाई अब उनले गूटगत आधारमा भिड्ने मनस्थिति बनाएका छन् ।