काठमाडौं । देशभरका स्थानीय तहमा आज आगामी आर्थिक वर्षको नीति, कार्यक्रम तथा बजेट आउँदैछ । हरेक स्थानीय सरकारले आआफ्नो नगर वा गाउँ सभामा बिहीबार बजेट प्रस्तुत हुनेछ । यद्दपी सबै स्थानीय सरकारले भने बजेट ल्याउन सक्दैनन् । कतिपय स्थानीय तहले असार १० गतेअघि नै नीति, कार्यक्रम र बजेट सभामा पेस गरिसकेका छन् । कतिपयको भने असारभर समय लाग्न सक्छ ।
अन्तरसरकारी वित्त व्यवस्थापन ऐन र स्थानीय सरकार सञ्चालन ऐनमा सबै स्थानीय सरकारले असार १० गतेभित्र आगामी वर्षको नीति, कार्यक्रम र बजेट सभामा पेस गर्नुपर्ने प्रावधान रहेको छ । अधिकांश स्थानीय सरकारले कोरोना महामारीबाट प्रभावित क्षेत्रलाई राहत प्रदान गर्ने गरि बजेटको तयारी गरेका छन् ।
यो वर्ष स्थानीय तहका जनप्रतिनिधिले अन्तिम पटक बजेट ल्याउँदैछन् । आगामी फागुनमा स्थानीय तहको आवधिक निर्वाचन गर्नुपर्ने छ । केन्द्रमा १५ जेठमा बजेट आएको छ । सबै प्रदेशले १ असारमा बजेट ल्याएका थिए । केन्द्र र प्रदेशको बजेटमा आधारित भई स्थानीय सरकारको बजेट आउनेछ ।