काठमाडौं । नेपालमा आगामी आर्थिक वर्ष २०७८\७९ को बजेट आज सार्वजनिक हुने भएको छ । १५ जेठमा बजेट ल्याउनै पर्ने बाध्यताका बीच संसद नभए पनि सरकारले अध्यादेशबाट बजेट ल्याउँदैछ । सरकारले ल्याउन लागेको पूर्ण बजेटको विपक्षी दलहरुले भने आलोचना गरिरहेका छन् । सरकारले चूनावी कार्यक्रम समेटेर लोकप्रिय कार्यक्रम ल्याउन सक्ने आंशका उनीहरुको छ ।
सोहीअनुसार वृद्धभत्ता बढाएर ५ हजार पुर्याउने घोषणा प्रधानमन्त्री केपी शर्मा ओलीले गरिसकेका छन् । बजेटबारे निर्णय गर्न ११ बजे मन्त्रिपरिषद् बस्दैछ । उक्त बैठकले अध्यादेश जारी गर्न राष्ट्रपति विद्यादेवि भण्डारी समक्ष सिफारिस गर्नेछ । बजेट प्रधानमन्त्री कार्यालयको हलबाट सार्वजनिक हुँदैछ ।