काठमाडौं । काठमाडौं उपत्यकामा सरकारले एक साता निषेधाज्ञा लम्ब्याएको छ । तर, यो समय पहिला जस्तै कडीकडाउ भने हुने छैन । काठमाडौं उपत्यकाका तीन प्रमुख जिल्ला अधिकारीको आइतबारको मंगलबारबाट लागु हुने गरि निषेधाज्ञा लम्ब्याएको थियो । कोरोनाभाइरस संक्रमण कम भएको छ ।
तर, सबै क्षेत्र एक साथ खुला हुँदा संक्रमण बढ्न सक्ने भन्दै सरकारले क्रमशः खुकुलो पारेको बताएको छ । अब निषेधाज्ञा असार १४ सम्म जारी रहने छ । आजबाट निज सवारी चलाउन पाइने छ । तर, जोर गते अनुसार आफ्नो सवारी साधनको पालो भने मिलाउनु पर्नेछ ।
विभिन्न बार तोकेर फेन्सीपसल समेत खोल्न दिइएको छ । खाद्यान्नसहितका पसललाई अब छेकबार छैन । मोटरसाइकल, ट्याक्सी समेत चल्न सक्ने छैनन् । उनीहरुले पनि जोर विजोर नियम भने पालना गर्नुपर्नेछ । सार्वजनिक सवारी साधन चल्ने छैनन् ।
आइतबार, मंगलबार र बिहीबार ११ देखि ४ बजेसम्म सुन, भाँडाकुडा, अटोमोबाइल्स, विद्युतीय सामग्रीका पसल खोल्न सकिने भएको छ । सोमबार, बुधबार र शुक्रबार ११ बजेदेखि ४ बजेसम्म सपिङ मल, खेलकूद सामग्री, कपडा, जुत्ता, साडी, कस्मेटिक्स, फेन्सी, टेलरिङ, गिफ्ट पसल खोल्न सकिने छ । खाद्यान्न, दूध, किताब पसल बिहान ११ बजेसम्म खुल्ने छन् ।
रेष्टुरेन्ट, होटलमा टेक अवे र होम डेलिभरी हुने छ । निर्माण सामग्रीका पसल बिहान ११ देखि साँझ ६ बजेसम्म सबै बार खुला हुने छन् । शनिबार भने पसलहरु बन्द हुनेछन् । सरकारी कार्यालय सबै खुलेका छन् ।