एन आर एन ओहायो च्याप्टरद्वारा रक्तदान कार्यक्रम सम्पन्न

ओहायो

“रक्तदान नै जीवनदान” भन्ने मुल भावनालाई आत्मासाथ गर्दै एनआरएन ओहायो च्याप्टरद्वारा रक्तदान कार्यक्रम सम्पन्न गरेको छ । रगतको अभावमा कसैले पनि अमूल्य जीवन गुमाउनु नपरोस भन्ने उदेश्यका साथ बिश्व रक्तदान दिवसको अवसरमा एन आर एन ओहायो च्याप्टरले ब्लड डोनर्स एफ अमेरिकासँगको सहकार्यमा रक्तदान कार्यक्रम सम्पन्न गरेको हो।

ओहायो राज्यको कोलम्बसस्थित होटल हिल्टनमा गत शनिबार रक्तदान कार्यक्रम आयोजना गरिएको हो । कार्ययक्रम स्थल स्थानीय होटल हिल्टनले निसुल्क उपलब्ध गराएको आयोजकहरुले जनाएका छन् । कार्यक्रममा ओहायो राज्यका बिभिन्न् सहरहरूवाट बिभिन्न पेशा ब्यवसाय तथा संघसंस्थासँग आबद्ध नेपाली भाषीहरूको उल्लेख्य उपस्थिति रहेको थियो।

ओहायो एनआरएन च्याप्टरका उपाध्यक्ष अवि दाहालको संयोजकत्व तथा सौजन्यमा कार्यक्रम आयोजना गरिएको थियो। कार्यक्रममा एन आर एन अमेरिकाका उपाध्यक्ष गोपेन्द्र भट्टराई तथा ब्लड डोनर्स अफ अमेरिकाका अध्यक्ष लिलाराज दाहाल आतिथीको रूपमा रक्तदानमा सहभागी भएका थिए । त्यस्तै The Ohio State University मा कार्यरत Soil Carbon Post Doctoral Scholar उमेश आचार्य, Chase Bank Columbus मा कार्यरत IT Vice President मनिश ढकाल ,Nationalwide Children Hospital मा कार्यरत Research Scientist महेश केसी तथा Ohio State University मा अध्ययनरत बिधार्थीहरूको पनि व्यापक सहभागीता रहेको थियो। स्थानीय समाजसेवी यादव दुलालले कार्यक्रमको शुरूमा रक्तदान गर्दै सबै सहभागीलाई रक्तदान गर्न उर्जा थप्नु भएको थियो।

ओहायो च्यापटरका अध्यक्ष मोहन न्यौपानेले जनपरिचालन तथा अन्य सहयोग गर्नुभयो। सचिव रिद्धी खड्का, कोषाध्यक्ष होताराम बिस्वकर्मा, सहसचिव लोकेन्द्र देबकोटा सदस्य डिल्ली केरूङले कार्यक्रमलाई सफल पार्न प्रत्यक्ष रूपमा उपस्थित रक्तदान गर्दै अन्य सहयोग गर्नु भयो । महिला संयोजक बिनिता आचार्य, युवा संयोजक तथा लक्ष्मी ज्वयलर्सका संस्थापक भिषन अधिकारी तथा सदस्यहरू हरिहर दाहाल, वर्षा वली निरौला, गोकुल बाँनिया, रेवती कँणेल र दिपेद्र दाहालले औनौपचारिक रूपमा सहयोग गर्नु भएको थियो। कार्यक्रममा फोटोग्राफी भने अनुज दाहालले गरेका थिए।

ओहायो एनआरएन च्याप्टरको निमन्त्रणालाई स्वीकार गरी बृहत रक्तदान कार्यक्रम सफल पार्न सहयोग गर्ने पत्रकार, बुद्धिजिवी, कलाकार, बिभिन्न संघ सस्थाका प्रतिनिधि तथा कार्यसमिति र सल्लाहकार समितिका सम्पूर्ण टिमलाई समेत संस्थाले धन्यबाद ब्यक्त गरेको छ ।