काठमाडौं । अमेरिकी सहयोग परियोजना एमसीसीबारे चीनले दोस्रो पटक टिप्पणी दिएको छ । चिनियाँ विदेश मन्त्रालयका प्रवक्ता हुवा चुनयिङलेले एससीसी उपहार हो कि पान्डोराज बक्स हो भनेर प्रश्न गरेको चिनियाँ संचारमाध्यमले जनाएका छन् । अमेरिकाको नेपालस्थित दूतावासले ५०० मिलियनको एमसीसी अनुदानलाई अमेरिकी जनताको तर्फबाट उपहार भनेको थियो ।
जवाफमा चिनियाँ विदेश मन्त्रालयको नियमित पत्रकार सम्मेलनमा उनले ‘उपहार अल्टिमेटमको प्याकेजसहित कहिलेबाट आउन थाल्यो भन्दै प्रश्न गरेकी छिन् । उनले भनेकी छिन्, ‘यस्तो उपहार जो कोहीले कसरी स्वीकार गर्न सक्छ ? यो उपहार हो वा पान्डोराज बक्स ?’ यो एमसीसी भन्ने प्रोजेक्ट नेपालीले भने जस्तै हेर्दा राम्रो, तर चपाउन गाह्रो मासुमा बदलिन सक्ने डर रहेको उनको टिप्पणी छ । एमसीसीबारे नेपालमा ध्रुविकरण बढ्दा दुई शक्तिराष्ट्र समेत घोचपेचमा उत्रन थालेका छन् ।