झापा । भारतले काँकडभिट्टा नाकाबाट भारततर्फ निर्यात हुने नेपाली मालवस्तुलाई रोकेको छ । लकडाउन सुरू भएयता उक्त नाकाबाट सबै मालवस्तु निर्यात रोक लगाइएको थियो । बीचमा केही समय खुला भएपनि फेरी बन्द भएको छ । बिहीबार नेपालबाट भारत तथा बंगलादेश जान हिँडेका चिया, अलैंची र अम्रीसोका बोकेका ट्रक सीमानामा अड्किएका हुन ।
ट्रक मेची पुलमा लामबद्ध भएका छन् । भारतले एकतर्फी रोक लगाएको मेची भन्सार कार्यालयले जानकारी दिएको छ । निर्यातमा रोक लगाइए पनि आयात भने भइरहेको छ ।
लकडाउनपछि पश्चिम बंगाल सरकारले नेपालबाट जाने वस्तुहरूमा रोक लगाएको हो । लकडाउन खुकुलो भएसँगै अनुमति पाइन्छ भन्ने विश्वासहित गएका ट्रक पुलमा रोकिएका हुन् । यो नाकाबाट नेपालमा उत्पादन भएका कृषि वस्तुको निर्यात हुने गरेको छ । बंगलादेशसँग छोटो नाका यहाँबाट पर्छ ।