काठमाडौं । कोरोना भाइरसको महामारीका बीच नेपाल आउने रेमिट्यान्समा समेत व्यापक कमी आएको छ । नेपाल राष्ट्र बैंकले सार्वजनिक गरेको तथ्यांक अनुसार गत आर्थिक वर्षको १० महिनाको तुलनामा चालु आवको १० महिनामा रेमिट्यान्समा ६ दशलमव १ प्रतिशतले कम भएको छ ।
वैशाख मसान्तसम्म ६ खर्ब ८० अर्ब रुपैयाँ रेमिट्यान्स भित्रिएको छ । गत आवको यही अवधिमा रेमिट्यान्स १९ प्रतिशतले बढेको थियो । कोरोना महामारीको कारण विश्वभर आर्थिक गतिविधि प्रभावित हुन पुगेको छ ।
जसले गर्दा विदेशमा पनि धेरै नेपालीको रोजगारी गुमेको छ । सोहीकारण विदेशबाट आउने रेमिट्यान्स घट्न पुगेको हो । अहिले सरकारले विभिन्न मुलुकबाट नेपालीलाई घर फर्काइरहेको छ ।