क्यालिफोर्निया । अमेरिकाको क्यालिफोर्नियामा एक बन्दूकधारीले अन्धाधुन्ध गोली चलाएर कम्तिमा ८ जनाको हत्या गरेका छन् । गोली चलाउने व्यक्तिको समेत ज्यान गएको छ । उनले आत्महत्या गरे वा प्रहरीको गोलीबाट ज्यान गयो भन्ने खुलेको छैन । मृत्यु हुनेहरु रेल यार्डमा खटिएका कर्मचारी छन् ।
समाचार एजेन्सीहरुले जनाए अनुसार गोलीबारीको घटना सान जोसेस्थित सान्टा क्लारा काउन्टी ट्रान्सपोर्टेशन अथोरिटीको रेल यार्डमा भएको हो । यो घटना स्थानीय समय अनुसार बुधबार बिहान पौने सात बजे भएको सीएनएनले लेखेको छ । अधिकारिहरुका अनुसार मारिनेमा सोही यार्डमा कार्यरत कर्मचारी छन् ।
गोली हान्ने कर्मचारील सहकर्मीमाथि गोली वर्षा गर्नुअगाडी आफ्नो घरमा समेत आलो लगाएको खुलेको छ । अमेरिकामा बन्दुकको प्रहारबाट वर्षेनी ठूलो संख्यामा मानवीय क्षत हुने गरेको छ । गन भ्वाइलेन्स अर्काइवको तथ्यांक अनुसार यो वर्ष मात्र अमेरिकामा २३० गोलीबारीका घटना भइसकेका छन् । जसमा एक घटनामा कम्तिमा ४ वा सो भन्दा बढी मानिसको ज्यान जाने गरेको छ ।
बुधबारको यो घटना रेल कर्मचारि बीचको एक बैठक पछि शुरु भएको बताइएको छ । घटना लगत्तै प्रहरीलाई खबर पुगेको थियो । प्रहरी पुग्दा गोली चलिरहेको बताइएको छ । बीबीसीका अनुसार बन्दूकधारीको नाम सैमुअल कसीडी हो । उनको उमेर ५७ वर्ष रहेको छ ।