काठमाडौं । नेपालमा खाना पकाउने ग्यास सहित पेट्रोलियम पदार्थको भाउ बढाइएको छ । सरकारले खाना पकाउने ग्यास र पट्रोलियम पदार्थमा मूल्य बढाउने निर्णय गरेको हो । नेपाल आयल निगमका अनुसार बुधबार राति १२ बजेदेखि लागू हुने गरी पेट्रोल तथा डिजेल र मटितेलको खुद्रा बिक्री मूल्य प्रतिलिटर २ रुपैयाँले बढेको छ ।
काठमाडौंमा पेट्रोलको मूल्य ११२ र डिजेल र मटितेलको ९५ रुपैयाँ पुगेको छ । एलपी ग्यासमा प्रतिसिलिण्डर २५ रुपैयाँ बढेको छ । अब ग्यासको मूल्य प्रतिसिलिन्डर १४ सय रुपैयाँ पुगेको छ । हवाई इन्धनको मूल्य भने यथावत छ ।
मूल्य बढेपछि पनि निगमलाई पेट्रोलमा प्रति लिटर ५.१६ रुपैयाँ, डिजेलमा प्रतिलिटर ३.०१ रुपैयाँ र एलपी ग्यासमा प्रति सिलिन्डर २९५.८३ रुपैयाँ घाटा रहेको निगमले उल्लेख गरेको छ । यो मूल्य अनुसार १५ दिनमा निगमलार्ए ७३.८७ करोड घाटा हुने जनाइएको छ ।