काठमाडौं । अमेरिकी विदेशीमन्त्री माइकल आर पोम्पेओले विभिन्न चार वटा एसिया मुलुकको भ्रमणका लागि निस्कने भएका छन् । पोम्पेओ भारत, श्रीलंका, मालदिभ्स र इन्डोनेसिया भ्रमणमा निस्कन लागेको अमेरिकी विदेश मन्त्रालयले पुष्टी गरेको छ ।
मन्त्रालयले एक सूचना जारी गर्दै यसको पुष्टी गरेको हो । उनको भ्रमण आगामी आइतबारबाट शुरु हुनेछ । अमेरिकामा अहिले चुनावको पूर्वसन्ध्या चलिरहेको छ । वर्तमान सरकारको सन्देश लिएर उनी एसिया भ्रमणमा निस्कन लागेको बताइएको छ ।
यसले चुनावी माहोललाई अन्तर्राष्ट्रिय गति दिने अपेक्षा अमेरिकी सरकारको रहेको छ । सर्वप्रथम भारतमा ओर्लने उनले भारतीय समकक्षी एस जयशंकरसँग भेटवार्ता गर्ने कार्यक्रम छ । त्यहाँबाट उनी श्रीलंका र माल्दिभ्स पुग्नेछन् ।
त्यसपछि इन्डोनेसियाको राजधानी जाकार्ता पुग्ने कार्यक्रम रहेको छ । भारत भ्रमणका दौरान चीन र नेपाल सम्बन्धमा भने दुई विदेशमन्त्री बीच छलफल हुनेछ ।