काठमाडौं । पूर्वराज्यमन्त्री खोभारी रायसहित १० जना जुवाको खालबाट पक्राउ परेका छन् । महानगरीय प्रहरी वृत्त स्वयम्भुको टोलीले रायसहित १० जनालाई जुवा खालबाटै पक्राउ गरेको बताएको छ ।
महानगरीय प्रहरी परिसरका प्रमुख एसएसपी श्यामलाल ज्ञवालीलाई उदृत गर्दै नेपाली संचारमाध्यमले जनाएअनुसार पक्राउ पर्नेमा रायसहित देवेन्द्र श्रेष्ठ, उत्तर कुमार लामा, विक्रम लामा, जितपुर लामा, सविन लामा, पर्वत भण्डारी, कान्छा तामाङ, धर्मलाल तामाङसहितका व्यक्ति छन ।
जुवा खालबाट १ लाख ५३ हजार रुपैयाँ बरामद भएको छ । खोभारी राय २०५२ सालमा शेरबहादुर देउवा र २०५३ सालमा लोकेन्द्रबहादुर चन्दको पालामा राज्यमन्त्री बनेका थिए ।
उनी २०६४ सालमा सर्लाही क्षेत्र नम्बर ५ बाट सांसदमा विजयी भएका थिए । अहिले भने उनी राजनीतिमा सक्रिय छैनन् ।