काठमाडौं । युक्रेनका राष्ट्रपति भ्लादिमिर जेलेन्स्कीले अमेरिकासँग रुसको तेल खरीद नगर्न माग गरेका छन् । अमेरिकी कंग्रेसका ३ सय सदस्यलाई भिडियोको माध्यमबाट सम्बोधन गर्दै उनले युक्रेनलाई नो फ्लाई जोन बनाउन समेत माग गरेका छन् । अमेरिकाले रूसको तेल खरीदमा रोक लगाउना साथ रुस ठूलो संकटमा पर्ने विश्वास उनको छ ।
उनले रुसी सैनिकसँग लड्न अमेरिकासँग थप सैन्य सहायताको समेत माग गरेका छन् । उनले रूस मै निर्मित फाइटर जेट्स उपलब्ध गराउन भनेका छन्, जसले गर्दा रुसी सैनिकको सामना गर्न उनको मुलुकलाई सहज हुने छ । यी जहाज चलाउन रुसी सैनिक समेत सक्षम भएको भन्दै त्यस प्रकारका सैन्य सहायताको अपेक्षा युक्रेनले गरेको उनको भनाई छ ।
राष्ट्रपतिको मागमा अमेरिकी सिनेटका सदस्यले ध्यानाकर्षण भएको बताएका छन् । तर, सिनेटले भने उनको अनुरोध पुरा नहुने बताएको छ । सिनेट नो फ्लाई जोन घोषणा गर्ने पक्षमा छैन । यसले युद्धमा तेस्रो मुलुक जोडिने भएकाले थप युद्धको आशंका अमेरिकाको छ । यसले नेटो सदस्यसँग रुसी सैनिकको लडाई शुरु भएको मानिने सिनेटको तर्क छ । उता, तेल खरीद बन्द गर्दा मूल्यमा आउने बढोत्तरीले अर्थतन्त्रमा पर्ने असरलाई ध्यानमा राख्दै राष्ट्रपतिको मागलाई अमेरिकी सिनेटले खारेज गरेको अन्तर्राष्ट्रिय संचारमाध्यमले जनाएका छन् ।