काठमाडौं । शेयर बजार झिनो अंकले घटेको छ । साताको कारोबारको अन्तिम दिन नेप्से परिसूचक १.९३ अंकले घटेर २०६८.९० विन्दुमा झरेको हो ।
यसदिन ३०३ कम्पनीको ४ अर्ब २९ करोड ९ लाख ३२ हजार २९७ रुपैयाँ बराबरको १ करोड १६ लाख ५८ हजार ११० कित्ता शेयर किनबेच भएको छ ।
कारोबारमा आएका १३ वटा उपसमूहमध्ये ६ वटाबाहेक सबै समूहको परिसूचक राताम्मे भएको छ । घट्दो बजारमा पनि आज ७ कम्पनीको शेयर मूल्यमा पोजेटिभ सर्किट लागेको छ । भिजन लुम्बिनी ऊर्जाको शेयर मूल्य ठ्याक्कै १० प्रतिशतले बढेको छ ।
त्यस्तै, मुक्तिनाथ कृषि कम्पनी, नेपाल वेयरहाउजिङ, चिरख्वा हाइड्रोपावर, हाथवे इन्भेष्टमेन्ट, मनकामना इन्जिनियरिङ र तारागाउँ रिजेन्सी होटलका शेयरधनीले पनि करिब १० प्रतिशत कमाएका छन् ।
आज सोनापुर सिमेन्टको सर्वाधिक कारोबार भएको छ । यसको १४ करोड ३८ लाख रुपैयाँ बढीको शेयर किनबेच भएको छ । त्यस्तै, शिवम् सिमेन्ट साढे १३ करोड बढीको कारोबार भएको छ ।