काठमाडौं । यातायात सेवाप्रदायक टुटल र पठाओले आजबाट आफ्नो सेवा सूचारु गरेका छन् । नेपालमा कोरोना भाइरसको महामारीका बीच सरकारले निषेधाज्ञा लगाएपछि यस्तो सेवा बन्द भएको थियो । आजबाट सरकारले निजी सवारी साधन जोर विजोर प्रणालीमा खुला गरेको छ । मोटरसाइकल तथा स्कुटरमा दुई जना बस्ने गरि नियम ल्याइएपछि टुटल र पठाओलाई सेवा सूचारु गर्न बाटो खुलेको हो ।
आजबाट यात्रुले आकस्मिक अवस्थामा टुटल, पठाओ र ट्याक्सी प्रयोग गर्न सक्नेछन् । तर, सार्वजनिक यातायात भने अझै खुलेको छैन । सरकारले आजबाट निषेधाज्ञाका धेरैजसो प्रावधानमा खुकुलो बनाएको छ । यद्दपी पार्टी, सभासम्मेलन भने गर्न पाइदैन । हवाई यातायातबारे समेत सरकारले थप निर्णय गरिसकेको छैन ।