काठमाडौं । सरकारले पेट्रोलको मूल्य बढाएको छ । नेपाल आयल निगमले राती १२ बजेदेखि लागु हुने गरी पेट्रोलको मूल्य बढाउने निर्णय गरेको हो । निगमका अनुसार पेट्रोलको मूल्य प्रति लिटर २ रुपैयाँले बढेको छ ।
अब काठमाडौंमा पेट्रोलको खुद्रा मूल्य लिटरको १०७ रुपैयाँ पुगेको छ । निगमका अनुसार अंग्रेजी महिनाको १ र १६ मा नियमित मूल्य समायोजनका क्रममा भाउ बढेको हो । इण्डियन आयल कर्पोरेशनबाट १ सेप्टेम्बर २०२० मा प्राप्त खरिद मूल्य अनुसार पेट्रोलको मूल्य बढाइएको निगमको दावि छ ।
डिजेल, मट्टितेल, हवाई इन्धन तथा एलपीग्यासको मूल्य भने चलाइएको छैन । नयाँ समायोजन गरिएको मूल्य वीरगन्ज क्षेत्रमा पेट्रोल प्रति लिटर ३२ रुपैयाँ २६ पैसा र डिजेलमा प्रति लिटर ३६ रुपैयाँ ७५ पैसाले नेपाल तर्फ सस्तो रहेको निगमको भनाई छ ।