काठमाडौं । अदालतले नेपाल कम्युनिस्ट पार्टी (नेकपा)का सांसद पार्वत गुरुङ माथि पक्राउ पूर्जी जारी गरेको छ ।
जिल्ला अदालत काठमाडौंले पक्राउ पूर्जी जारी गरेको हो । उक्त पूर्जी जिल्ला प्रहरी कार्यालय दोलखाले गुरुङसमक्ष तामेल समेत गरिसकेको छ ।
२०७४ बैशाखमा सम्पन्न स्थानीय चुनावपछि दोलखाका वीरध्वज खड्कामाथि काठमाडौंको गौशालामा सांघातिक आक्रमण भएको थियो ।
आक्रमणमा गुरुङको संलग्नता रहेको भन्दै महानगरीय प्रहरी परिसर काठमाडौंमा ज्यान मार्ने उद्योगमा जाहेरी दिएका थिए ।
त्यसपछि अदालतले उनीविरुद्ध पक्राउ पूर्जी जारी गरेको हो । सांसद गुरुङले भने यो राजनीतिक मुद्दा भएको प्रतिक्रिया दिएका छन् ।
पछिल्लो समय प्रहरीले विभिन्न अपराधमा मुछिएका सबै उच्च पदस्थलाई पक्राउ गरी सुशासनको झल्को दिन थालेको छ । यो ऋृंखला भने सभामुख कृष्णबहादुर महरा प्रकरणपछि झनै बढेको छ ।