काठमाडौं । नेपालमा गुड्ने रेलको डिब्बा तयार भएको छ । भारतीय भारतीय कम्पनीमै जनकपुर-जयनगरखण्डको ३५ किलोमिटर रुटमा चल्ने रेलको डिब्बा तयार पारिएको हो ।
चेन्नइस्थित कोन्कन रेल्वे कर्पोरेसनको कारखानामा डिब्बा बनाइएको छ । नेपाल रेल विभाग अनुसार नेपाली टोलीले बन्दै गरेको डिब्बाका डिजाइन अवलोकन समेत गरेको छ ।
जनकपुर-जयनगर रुटमा दुई वटा रेल चलाउने योजना रहेको छ । डिब्बा भारत सरकारले नै उपलब्ध गराउने सहमति यस अघि भइसकेको छ ।
गत वैशाखमा नेपाल र भारतबीच यस्तो सहमति भएको थियो । यी डिब्बा जडान भएर रेल नेपाल ल्याउनासाथ जनकपुर-जयनगर रेलवे सञ्चालन हुने भएको छ ।