काठमाडौं । नेपालमा फोरजी प्रयोगकर्ताको संख्या ६८ प्रतिशतले बढेका छन्।
नेपाल दूरसञ्चार प्राधिकरणको तथ्यांक अनुसार २०७८ सालको साउनमा नेपालमा १ करोड १० लाख ३४ हजार फोरजी प्रयोगकर्ता थिए। जुन २०७९ को असारसम्म १ करोड ८५ लाख ५९ हजार पुगेको छ। एक वर्षमा ७५ लाख २५ हजार फोरजी प्रयोगकर्ता थपिएका छन्।
२०७९ को असारसम्म नेपाल टेलिकमका फोरजी प्रयोगकर्ताको संख्या १ करोड १२ लाख पुगेका छन्। गएको साउनमा यस्तो संख्या ५३ लाख मात्र थियो। सतप्रतिशतले बढेका छन्। टेलिकमले गएको वर्ष देशव्यापी फोरजी कभरेज विस्तार गरेपछि प्रयोगकर्ता बढेका हुन्।
एक वर्षमा एनसेलका १६ लाख ४ हजार २ सय ९२ फोरजी प्रयोगकर्ता थपिएका छन्। फोरजीसहित मोबाइल इन्टरनेट प्रयोगकर्ताको संख्या ३ करोड नाघेको छ।