काठमाडौ । नेपाल वायुसेवा निगमको जापान उडानको तालीका तत्कालका लागि स्थगित भएको छ । निगमले यात्रु नपाएपछि जापान उडान सार्न लागेको हो ।
निगमले असार १९ गतेबाट जापानको ओशाकामा नियमित उडान गर्ने योजना बनाएको थियो । तर, बजारिकरणमा पर्याप्त ध्यान दिन नसकेपछि निगमले यात्रु पाएन ।
सोहीकारण जापान उडानको योजना स्थागित गरिएको निगमका अधिकारीहरु बताउँछन् । जापान निगमले यसअघि जहाज उडाइसकेको पुरानो गन्तब्य हो ।
यहाँ नेपाली एयरलाइन्सले सन् १९९४ देखि २००७ सम्म उडान गरेको थियो । जहाज जहाजको अभावले उडानलाई निरन्तरता दिन सकेन ।