काठमाडौं । नेपाल भ्रमण वर्ष २०२० को भब्य उद्घाटन भएको छ । काठमाडौंको दशरथ रंगशालामा आयोजित कार्यक्रममा राष्ट्रपति विद्यादेवि भण्डारीबाट ज्योती बाल्दै भ्रमण वर्षको प्रारम्भ गरिएको हो ।
राष्ट्रपति भण्डारीले सुन्दर देश नेपाल भमणमा आउन संसारभरका पर्यटकसँग आह्वान गरेकी छिन् ।
उनले सगरमाथा र बुद्धको देश नेपालमा पर्यटकलाई स्वागत गरेकी हुन् । विगतमा पर्यटक आउन थालेपछि नेपालमा योजना बन्ने गरेको उल्लेख गर्दै उनले अब योजनावद्ध विकासको आवश्यकता रहेको औल्याइन् ।
संस्कृति, पर्यटन तथा नागरिक उड्डयन मन्त्री योगेश भट्राईले जीवनको मिठो अनुभूतिका लागि नेपाल आउन आह्वान गरे ।
उद्घाटन कार्यक्रममा नेपाली सेना, प्रहरी र सशस्त्र प्रहरीले नेृत्य प्रस्तुत गरेका थिए । विभिन्न सांस्कृतिक झाँकिले झकिझकाउ रंगशालामा हजारौं मानिस सहभागि भएका थिए ।
कार्यक्रममा भारत, चीन, जमैका र म्यानमारबाट पर्यटन मन्त्रीले भाग लिए । सरकारले वार्षिक २० लाख पर्यटक भित्राउने लक्ष्यसहित सन् २०२० लाई भ्रमण वर्ष मनाउन लागेको हो ।