नेपाल र भारतका परराष्ट्रमन्त्रीबीच न्यूयोर्कमा भेट, आज महासभामा सम्बोधन

काठमाडौं । नेपालका परराष्ट्रमन्त्री डा. नारायण खड्का र भारतीय विदेशमन्त्री एस जयशंकरबीच न्यूयोर्कमा भेटवार्ता भएको छ । परारष्ट्रमन्त्री भए लगतै संयुक्त राष्ट्रसंघको महासभामा भाग लिन न्यूयोर्क पुगेका डा. खड्काले साइड लाइन वार्ताका क्रममा भारतीय समकक्षी जयशंकरसँग भेटेका छन् । भेटमा दुई देशको सम्बन्धलाई अझ मजवुत बनाउने सम्बन्धमा छलफल भएको भारतीय विदेशमन्त्री जयशंकरले जानकारी गराएका छन् ।

मन्त्री खड्काले महासभामा भने आज नेपालको प्रतिनिधित्व गर्दै सम्बोधन गर्ने कार्यक्रम रहेको छ । महासभामा नेपालले कोरोना विरुद्धको खोपको विश्वव्यापी उपलब्धता, विश्व तापमान वृद्धिबाट नेपालसहितका हिमाली मुलुकमा परेको असरसहितका एजेण्डा उठाउने छन् ।