काठमाडौं । अमेरिकाले पाकिस्तानमा बढ्दो राजनीतिक अस्थिरताका बीच यात्रामा पुनर्विचार गर्न आफ्ना नागरिकलाई सचेत गराएको छ । सो मुलुकको तर्फबाट ट्राभल एडभाइजरी जारी गर्दै आतंकवादी हमला तथा अपहरणका घटना घटेको भन्दै यात्रामा विचार गर्न भनिएको हो । पाकिस्तानमा पनि बलूचिस्तान र खैबर पख्तूनख्वा प्रान्तलाई बढी संवदनशिल मानिएको छ ।
अमेरिकाले आफ्नो नागरिकलाई आतंकवादी गतिविधि भइरहेका र सशस्त्र संघर्ष जारी रहेको इलाकामा सकेसम्म नजान भनेको हो । आतंकी संगठनले पाकिस्तानमा लगातार आक्रमणको योजना बनाइरहेको सूचना प्राप्त भएसँगै अमेरिकाको तर्फबाट यस्तो सूचना जारी भएको अन्तर्राष्ट्रिय संचारमाध्यमले जनाएका छन् । पछिल्लो समय पाकिस्तानमा राजनीतिक अस्थिरताले द्धन्द्ध बढेको छ ।