काठमाडौं । सत्तारुढ नेपाल कम्यूनिष्ट पार्टी (नेकपा)को सचिवालय बैठक शुरु भएको छ ।
प्रधानमन्त्री निवास बालुवाटारमा बैठक शुरु भएको प्रधानमन्त्रीका प्रेस सल्लाहकार सूर्य थापाले जानकारी दिए । उनका अनुसार आज आशनमा नयाँपन दिइएको छ ।
यसअघि प्रधानमन्त्री केपी शर्मा ओली अगाडी बसेर प्रचण्डसहित अन्य नेताहरु लहरै बस्थे । यस पटक भने प्रचण्ड र ओलीको आशन समान छ ।
नेकपामा प्रचण्डलाई कार्यकारी अध्यक्ष भनिएपनि व्यवहारमा प्रधानमन्त्री ओलीले पेल्दै आएका थिए ।
तर, पार्टी भित्र बढेको द्धन्द्ध र त्यसको व्यवस्थापनमा भइरहेका प्रयासका बीच नयाँ दृष्य देखिएको हो ।
यसलाई धेरैले नेकपा भित्रको विवाद तत्कालका लागि मिल्दै गएको सकेतका रुपमा समेत लिएका छन् ।