काठमाडौं । सरकारले बंगलादेशबाट पैंचोमा मल ल्याउने गरी बंगलादेशसँग गरेको सम्झौता कार्यान्वयन नहुने भएको छ । नेपाली संचारमाध्यमहरुका अनुसार नेपाललाई ५० हजार मेट्रिक टन यूरिया मल पैंचो दिने समझदारीबाट बंगलादेश पछि हटेको छ ।
दुई देशका प्रधानमन्त्रीले १६ भदौमा मल पैंचो लेनदेनसम्बन्धी मौखिक सहमति गरेका थिए । उक्त सहमति कार्यान्वयनको तहमा नपुग्दै सहमतिबाट बंगलादेश पछि हटेको कृषि तथा पशुपन्छी विकास मन्त्रालयलाई उदृत गर्दै संचारमाध्यमले लेखेका छन् ।
स्रोतका अनुसार मल पैंचोमा दिन नेपाललाई बंगलादेशले अविश्वास गरेको छ ।
मन्त्रालयका अनुसार अब मल बंगलादेशबाट ल्याउने भए नगद हालेर किन्नु पर्ने छ । स्रोतका अनुसार मल पैंचोमा दिन नेपाललाई बंगलादेशले अविश्वास गरेको छ । अब जीटूजी मार्फत मल खरिद प्रक्रिया अगाडी बढाइने भएको छ ।
तराईका अधिकांश स्थानमा धान भित्राएर गहुँ छरिएको छ । त्यसका लागि आश्वयक मल भने कहिले आउने हो टुंगो छैन । यसले सरकारलाई ठूलो झट्का लागेको छ नै कृषक भने मारमा परेका छन् ।