काठमाडौं । नेपालमा काठमाडौं उपत्यकासहित देशभर कोरोनाको संक्रमण निरन्तर बढिरहेको छ ।
पछिल्लो २ दिनमा ५ जना थप संक्रमित बढे । तीन जना उच्च जोखिममा रहेका छन् । उनीहरुको परिक्षण जारी रहेको छ ।
तर, यसले काठमाडौंबासीलाई कुनै मतलव नभएको जस्तो भान हुन्छ ।
किनकी साँझ परेपछि तरकारी किन्ने बाहना र बिहान मर्निग वाकमा जाने बाहनामा हजारौं मानिस सडकमा निस्कन्छन् ।
सोमबार मात्र लकडाउन उल्लङ्घन गर्ने ७७५ महिलासहित दुई हजार ९९३ जना मानिसलाई प्रहरीले नियन्त्रणमा लिएको छ ।
प्रहरीका अनुसार यो संख्या सोमबार बिहान ६ बजेदेखि साँझ ५ बजेसम्मको मात्र हो । उनीहरुलाई तीन घण्टा कोरोना भाइरसबारे प्रशिक्षण दिएर प्रहरीले छाड्ने गरेको छ ।
प्रहरीका अनुसार काठमाण्डौबाट दुई हजार ३६३, ललितपुरबाट ६१० र भक्तपुरबाट २० जना प्रहरीको नियन्त्रणमा परेका हुन् ।
आइतबार २१४ वटा दुई पाङ्ग्रे र ७ वटा चारपाङग्रे गरी २२१ वटा सवारी साधन समेत कारवाहीमा परेका छन् । सरकारले लकडाउन घोषणा गरेको छ ।
यसबेला अतिआवश्यक काम नपरेसम्म बाहिर नजान सरकारले आह्वान गरेको छ ।