बारा । बारामा प्रहरी र तस्कर समूहबीच झडप भएको छ । यस क्रममा १४ वर्षीय बालक र तीन जना जना प्रहरी घाइते भएको बारा प्रहरीले जानकारी दिएको छ । बाराको सुवर्णपुर गाउँपालिकामा सोमबार राति ७ बजे झडप भएको थियो । प्रहरीले स्थितिलाई काबुमा राख्न १२ राउन्ड हवाइफायर गरेको बताइएको छ । सोही क्रममा बालकको टाउकोमा चोट लागेको हो ।
स्थानीयले तस्करी गरी ल्याएको सामान प्रहरीले नियन्त्रणमा लिन खोज्दा झडप भएको प्रहरीको भनाई छ । प्रहरीमाथि आक्रमण गरी गाडी तोडफोड गर्न थालेपछि प्रहरीले १२ राउन्ड हवाईफायर गरेको बताएको छ । घाइते बालकको बयोधा अस्पतालमा उपचार भइरहेको छ।