काठमाडौं । भारत सरकारले आफ्नै ‘डिजिटल करेन्सी’ प्रचलनमा ल्याउने भएको छ ।
क्रिप्टोकरेन्सीले विश्व अर्थतन्त्रलाई पछ्याइरहेको समयमा भारतले आफ्नै ‘डिजिटल करेन्सी’ ल्याउने घोषणा गरेको हो ।लोकसभामा उनले आर्थिक वर्ष २०२२/२३ को बजेट प्रस्तुत गर्दै ‘डिजिटल इकोनमी’ को विकासमा सरकार लाग्ने घोषणा गरेकी छिन्।
भारतको रिजर्भ बैंक अफ इण्डिया (आरबीआई)ले गत वर्षदेखि डिजिटल करेन्सी बनाउने तयारी थालेको थियो ।
क्रिप्टो करेन्सीबाट हुने आम्दानीलाई लिएर पनि भारत सरकारले नयाँ नीति ल्याएको छ। बजेट घोषणा गर्दै सीता रमणले अबबाट भर्चुअल करेन्सीको आम्दानीमा ३० प्रतिहत कर लाग्ने घोषणा गरेकी छिन्। यस्तै, क्रिप्टो करेन्सीको कारोबारमा घाटा भए पनि कर तिर्नुपर्ने व्यवस्था गरिएको छ।
क्रिप्टोकरेन्सीहरूमा लगानीले विगत केही वर्षहरूमा वित्तीय बजारमा ठूलो वृद्धि देखेको छ। यसको सबैभन्दा ठूलो कारण भनेको लगानीकर्ताले छोटो समयमै ठूलो फाइदा पाउनु हो ।
यससँगै ज्याक डोर्सी, एलोन मस्क जस्ता विश्वका ठूला उद्योगपतिहरूले पनि क्रिप्टोकरेन्सीमा लगानीलाई समर्थन गरेको देखिएका छन् ।