काठमाडौं । नेपालमा अब यातायातसँग सम्बन्धित सबै प्रकारका कर अनलाइन प्रणालीबाट तिर्न सकिने भएको छ । यससँगै अब यातायात कार्यालयमा हुने अत्यधिक भिडभाड नियन्त्रण हुने अपेक्षा गरिएको छ । बाग्मती प्रदेशका यतायात सम्बद्ध कर राजस्व विद्युतीय माध्यमबाट भुक्तानी गर्न सकिने भएको हो । यसमा लाइसेन्स शुल्क, सवारी कर, ब्लुबुक नवीकरण शुल्क, जरिवानालगायत राजस्व रहेको बाग्मती प्रदेश सरकारले जनाएको छ ।
बाग्मती प्रदेशका भौतिक पूर्वाधार विकासमन्त्री रामेश्वर खनाल यातायात सम्बद्ध सबै कर अब अनलाइनमा उपलब्ध इवालेट र बैंकिङ एपबाटै तिर्न सकिने बताएका न् । ब्लुबुक नवीकरण लगायतका काम गर्न राजस्व तिर्न लाइनमा बस्नुपर्ने छैन । अब क्रमशः अन्य कागजात समेत अनलाइनबाटै वितरण गर्न सकिने गरी व्यवस्था मिलाउने तयारी छ ।