काठमाडौं । नेपालमा आर्थिक वर्षको अन्तिम साता चलिरहेको छ । यस अवस्थामा राजश्व संकलन र खर्चको चाप दुबै बढ्छ । सोही प्रयोजनका लागि आज शनिबार पनि बैंकका शाखा तथा काउन्टर भने खुला हुने भएका छन् । चालु आर्थिक वर्षको अन्तिम शनिबार भएका कारण बैंकहरुले राजश्व संकलनका लागि समस्या नहोस् भनेर सेवा सुचारु राखेका हुन् ।
त्रैमासको अन्तिम दिन सार्वजनिक बिदा वा २५ गते पछाडि शनिबार परे शाखा कार्यालय खुला राख्ने गरिएको छ । त्रैमासको २५ गते पछाडि शनिबार परे पनि खोल्न राष्ट्र बैंकले नै प्रोत्साहन गर्दै आएको छ । सरकारले यो आवमा ११ खर्ब हाराहारी राजस्व संकलनको लक्ष्य राखेको छ ।