काठमाडौं । युक्रेनको रक्षा मन्त्रालयले युद्धमा परि रुसका एक जना उच्च सैनिक अधिकारी मारिएको दावि गरेको छ । खार्किभमा जारी युद्धका क्रममा उच्च सैन्य अधिकारी मारिएको बताइएको छ । संचारमाध्यमले यो खबरको स्वतन्त्र पुष्टि भने भइनसकेको बताएका छन् । रुसी अधिकारीहरूले पनि उक्त विषयबारे प्रतिक्रिया जनाएका छैनन्। बीबीसीका अनुसार युक्रेनको रक्षा मन्त्रालयले जारी गरेको एक विज्ञप्तिका अनुसार भीताली जेरासाइमोभ युद्धका क्रममा मारिएका हुन्।
कैयौँ अन्य वरिष्ठ रुसी सैन्य अधिकारीहरू पनि घाइते भएको र मारिएको बताइएको छ। युक्रेनी गुप्तचर निकायका अनुसार जेरासाइमोभ दोस्रो चेचेन युद्ध अनि सिरियामा भएको रुसी सैन्य कारबाहीमा सहभागी भएका थिए। ‘‘क्राइमिया पुनः नियन्त्रणमा लिए पश्चात्’’ उनले पदक प्राप्त गरेका थिए।