काठमाडौ. । सेयर बजारमा लगातार पाँचौं दिन गिरावट आएको छ । गत सोमबारदेखि ओरालो लागेको नेप्सेले आज पनि सोही लय कायम राखेको हो । पछिल्ला ५ कारोबार दिनमै नेप्से झन्डै १०८ अंकले घटेको छ ।
आइतबार नेप्से २७.९२ अंकले घटेर २०१०.०१ विन्दुमा आइपुगेको छ । यसदिन २२७ कम्पनीको १ अर्ब ८७ करोड ३२ लाख ८१ हजार ८९७ रुपैयाँ बराबरको ४५ लाख ५९ हजार २२ कित्ता सेयर किनबेच भएको छ ।
आज कारोबारमा आएका १३ वटै उपसमूहको परिसूचक राताम्मे भएको छ । उत्पादनमूलक समूह सबैभन्दा धेरै ३.५४ प्रतिशतले घटेको छ ।
आज हिमालयन डिस्ट्रीलरीको सर्वाधिक कारोबार भएको छ । यसको साढे १६ करोड रुपैयाँ बढीको सेयर किनबेच भएको छ । त्यस्तै, नेपाल लाइफ ११ करोड शिवम् सिमेन्ट ८ करोड बढीको कारोबार हुँदै शीर्ष तीनमा रहे ।
उच्च अंकले घटेको बजारमा आज गुराँस लघुवित्तको सेयर मूल्य सबैभन्दा धेरै ७.०९ प्रतिशतले घटेको छ । त्यस्तै, हिमालयन डिस्ट्रलरी ६.१०, इमर्जिङ नेपाल , नेपाल लाइफ, मल्टीपर्पस फाइनान्स, हिमालयन हाइड्रोपावर, दिव्यश्वरी हाइड्रोपावर र एक्सेल डेभलपमेन्ट बैंकको सेयर मूल्य ५ प्रतिशतभन्दा धेरै घटेको छ ।