काठमाडौं । वैदेशिक रोजगारीको सिलसलामा विभिन्न मुलुक पुगेका युवामध्ये एक लाख २७ हजार हाराहारी नेपाली तत्काल उद्धारको पर्खाइमा रहेको सरकारले अनुमान गरेको छ ।
वैदेशिक रोजगार प्रवद्र्धन बोर्डका अनुसार यस संख्यामा नेपालीहरु उद्धार गर्नुपर्ने अवस्थामा रहका छन् ।
विभिन्न मुद्दामा आममाफी पाएका, भिषा अवधि सकिएका, गर्भवती, विभिन्न स्वास्थ्य समस्यामा भोगिरहेका बिरामी, अवैध कामदारलगायतका कारण उनीहरुलाई तत्काल उद्धारको आवश्यकता रहेको छ ।
त्यसो त करीव ४ लाख हाराहारी युवाले विदेशमा काम गुमाउने समेत अनुमान गरिएको छ ।
कोरोना भाइरसको संक्रमणका कारण अर्थतन्त्रमा परेको प्रभावका कारण मुलुकहरुले क्रमशः आप्रवासी कामदारको कटौती थालिसकेका छन् ।
यस्तो अवस्थामा नेपाली युवाको समेत रोजगारी गुम्ने भएको छ ।
प्रतिनिधिसभा, उद्योग तथा वाणिज्य र श्रम तथा उपभोक्ता हित संरक्षण समितिको बुधबार बसेको बैठकमा बोर्ड यो आंकडा सार्वजनिक गरेको हो ।
एकसाथ लाखौ व्यक्तिलाई उद्धार र नेपाल भित्रको व्यवस्थापन भने नेपाल सरकारको क्षमता भित्र पर्दैन । सोहीकारण अहिलेसम्म नेपाली नागरिकका उद्धारका लागि सरकारले कुनै नीति लिन सकेको छैन ।
किनकी नेपाली कामदार रहेका अधिकांश मुलुकमा कोरोना फैलिएको छ । नेपालीमा समेत कोरोनाको संक्रमण रहेको छ । उ
नीहरु नेपाल आउँदा यहाँ व्यवस्थापनको विकल्प सरकारसँग छैन । बोर्डका अनुसार सम्बन्धित देशको दूतावासबाट प्राप्त विवरण, औसत रुपमा दैनिक फर्किनेहरूको आँकडा समेत जोडेर प्रतिवेदन बनाइएको हो ।
१ लाख २७ हजारमध्ये अत्यन्तै समस्यामा रहेकालाई प्राथमिकताका आधारमा स्वदेश फर्कने वातावरण बनाउन समेत बोर्डले सरकारलाई सिफारिस गरेको छ ।