शरद ऋतुमा हिमाल चढ्न दुई समुहमा २५ जनाले लिए अनुमति

काठमाडौं । शरद् ऋतुमा हिमाल चढ्न दुई वटा समूहका २५ जनाले अनुमति लिएका छन् । आठ हजार एक सय ६३ मिटर अग्लो हिमाल चढ्न मङ्गलवार दुई वटा समूहका २५ जनाले अनुमति लिएको पर्यटन विभागले जनाएको छ । अनुमति लिनेमा पाँच महिला र अन्य पुरुष छन् । दुई समूहबाट २६ लाख ४६ हजार रुपैयाँ रोयल्टी प्राप्त भएको समेत विभागले जनाएको छ । गत वसन्त ऋतुमा नेपालमा उत्साहजनक रुपमा पर्वतारोही आएका थिए । यो सिजनमा समेत आरोही बढ्ने अपेक्षा गरिएको छ ।