काठमाडौं । चीनबाट नेपाल सरकारले खरीद गरेको कोरोना भाइरसविरुद्धको खोप ल्याउन आज नेपाल एयरलाइन्सको जहाज बेइजिङ जाँदैछ । ‘भेरोसेल’ खोप ल्याउन निगमको बाइडबडी ए–३३० जहाज बेइजिङ जान लागेको हो । बिहीबारबाट ८ साउनसम्म कुल तीन वटा उडान तय भइसकेको छ । यो उडानबाट एकै पटक २५ लाख डोज भन्दा बढी खोप नेपाल आउने छ ।
बिहीबार साँझ चीन जाने यो जहाजले शुक्रबार भेरोसेल खोप काठमाडौं ल्याउने छ । यसपछि ३१ असार र ७ साउनमा उडान तय भएको छ । चीनमा कुल ५ उडानबाट खोप ल्याउने तयारी छ । सरकारले ४० लाख डोज खोप किनेको हो । यो ६० वर्ष मुनि उमेर समूहका मानिसलाई प्राथमिकताका आधारमा लगाउने तयारी सरकारको छ ।