काठमाडौं । स्वास्थ्य तथा जनसंख्या मन्त्रालयले संक्रिय संक्रमित संख्या देशभर २५ हजार भन्दा माथि गएमा पुनः लकडाउन गर्न सिफारिस गरेको छ । आज बसेको मन्त्रालयको इन्सिडेन्ट कमाण्ड सिस्टम बैठकले यस्तो निर्णय गरेको हो ।
अब २५ हजार बढी भए सक्रिय संक्रमित भए बन्दाबन्दी गर्नुपर्ने निष्कर्ष निकालिएको मन्त्रालयका प्रवक्ता डा. जागेश्वर गौतमले जानकारी दिए । २५ हजार बढी संक्रमित भए अस्पतालको पूर्वाधारमा व्यवस्थापन गर्न मुस्किल हुने भन्दै यस्तो निष्कर्षमा पुगेको उनले जानकारी दिए ।
मन्त्रालयका अनुसार बुधबारसम्म देशभर सक्रिय संक्रमित १७ हजार ४१४ जना रहेका छन् । मन्त्रालयले जनस्वाथ्य मापदण्ड पालना हुन नसक्ने व्यवसाय थप एक महिना बन्द गर्न समेत सिफारिस गरेको छ । सरकारले भने अहिले सबैतिर लकडाउन खुला गरी आवतजावत समेत सूचारु गरिसकेको छ ।