काठमाडौं । सरकारले पेट्रोलियम पदार्थको मूल्य बढाएको छ । नेपाल आयल निगमले बुधबार रातिदेखि लागू हुने गरी पेट्रोल, डिजेल र मटिट्तेलको मुल्य प्रतिलिटर ३ रुपैयाँ वृद्धि गरेको छ । खाना पकाउने एलपी ग्यासको मूल्य प्रतिलिण्डिर ७५ रुपैयाँ बढेको छ । अब एक सिलिण्डर ग्यास किन्न १५७५ रुपैयाँ तिर्नुपर्ने भएको छ ।
हवाई इन्धनमा प्रतिलिटर ५ रुपैयाँ वृद्धि भएको छ । अब क्रमशः पेट्रोल र डिजेल तथा मट्टीतेलको मूल्य काठमाडौंमा प्रतिलिटर १३६ र ११९ रुपैयाँ पुगेको छ । आन्तरिक हवाई इन्धनको मूल्य प्रतिलिटर १०१ र अन्तर्राष्ट्रियमा प्रतिकिलोलिटर ८८५ डलर पुगेको छ । भारतीय आयल कर्पोरेशनले मूल्य बढाएपछि नेपालमा पनि मूल्य समायोजना गरिएको निगमले उल्लेख गरेको छ ।