पुने । कोरोना भाइरसको खोप उत्पादन गरिरहेको भारतीय कम्पनी सीरम इंस्टीट्यूट अफ इंडियाको एक नवनिर्मित भवनमा आगलागी हुँदा ५ जना मजदुरको ज्यान गएको छ । बिहीबार भएको यो आगलागीका कारण कम्पनीलाई भने १ हजार करोड भारतीय रुपैयाँ बराबरको क्षति भएको कम्पनीले दावि गरेको छ ।
पुनेमा यो घटना भएको हो । कम्पनीका सीईओ अदार पूनावालाले यस्तो जानकारी गराएका हुन् । उनका अनुसार यस आगलागीका कारण खोपको आपूर्ति र उत्पादन भने प्रभावित हुने छैन ।
उनका अनुसार यो भवनमा औषधी उत्पादन गर्ने उद्योग राखिएको थियो । उक्त उद्योग भने ध्वस्त भएको छ । यसअघि कम्पनीले घटनामा ज्यान गुमाउने मजदुरका परवारलाई जनही २५ लाख भारु दिने घोषणा गरिसकेको छ ।