काठमाडौं । नेपालमा सुनको मूल्यले हरेक दिन कीर्तिमान राखिरहेको छ । अब प्रतितोला एक लाख नजिकै रहेर अहिले कारोबार भइरहेको छ । शुक्रबारसम्म लगातार तीन दिन सुनको मूल्य उकालो लाग्यो । शुक्रबार मात्र १३ सय रुपैयाँले बढेर अहिलेसम्मकै उच्च मूल्यमा पुगेको छ । शुक्रबार प्रतितोला ९५ हजार ८ सय रुपैयाँमा सुनको कारोबार भयो ।
नेपाल सुनचाँदी व्यवसायी महासंघका अनुसार यो म्मूल्य नेपालमा अहिलेसम्मकै उच्च हो । तेजावी सुनको मुल्य प्रति तोला ९५ हजार ३६५ पुगेको छ। चाँदीको मुल्यमा पनि बढेको छ । चाँदीमा प्रति तोला ५ रुपैयाँले बढेर ११५० मा कारोबार भएको छ ।
सुनको मूल्य बढेपनि बजारमा कारोबारमा भने मन्दी छाएको छ । तीज सुनको खपत हुने मूख्य सिजन हो । तर, यसपटक अत्यधिक मूल्यका कारण सुन खरीद गर्ने भन्दा बेच्ने मानिस बढी रहेको महासंघको भनाई छ । त्यसकारण पनि सुनको कारोवार सुस्ताएको छ ।