काठमाडौं । सेयर बजारमा झिनो अंकको बढोत्तरी भएको छ । आज विकास बैंक र फाइनान्सको समूहको सेयरमा चमक आए पनि अरु समूहको परिसूचकमा गिरावट आउँदा बजारले गति लिन नसकेको हो ।
सूचकमा झिनो बढोत्तरी आए पनि कारोबार रकम भने उत्साहजनक नै रहेको छ । आज पनि १४ अर्ब बढीको कारोबार भएको छ ।
आज सेयर बजार मापक सूचक नेप्से १.५४ अंकले बढेर ३१०९.६६ विन्दुमा पुगेको छ । नेपाल स्टक एक्सचेन्जका अनुसार आज २२४ कम्पनीको १४ अर्ब १३ करोड ७३ लाख ३८ हजार ८८१ रुपैयाँ बराबरको २ करोड ५३ लाख ९३ हजार ६९९ कित्ता सेयर किनबेच भएका छन् ।
आज कारोबारमा आएका १३ वटा समूहमध्ये ५ समूहको परिसूचकमा हरियाली छाएको छ भने ८ समूहको परिसूचक राताम्मे भएका छन् । हाइड्रोपावर र फाइनानस समूह सबैभन्दा धेरै समान ३.३५ प्रतिशतले बढेको छ भने व्यापार समूह १.०७ प्रतिशतले घटेको छ ।
आज कारोबारमा आएका २२४ कम्पनीमध्ये ९३ कम्पनीको सेयर मूल्य बढेको छ भने ११८ कम्पनीको मूल्यमा गिरावट आएको छ । १३ कम्पनीको मूल्य स्थिर रहेको छ ।
आज अरुण भ्याली हाइड्रोपावरको सर्वाधिक कारोबार भएको छ । यसको ६७ करोड रुपैयाँ बढीको कारोबार भएको छ । कारोबार रकमकै आधारमा माथिल्लो तामाकोशी ५९ करोड र अपी पावर ५३ करोडको कारोबार सहित शीर्ष तीन स्थानमा रहे ।
न्यून अंकले बढेको बजारमा आज ९ कम्पनीको सेयर मूल्य पोजेटिभ सर्किट लागेको छ । आइसीएफसी फाइनान्स, कर्पोरेट कर्पोरेट डेभलपमेन्ट बैंक, हिमालयन पावर, नेपाल हाइड्रो, युनियन हाइड्रोपावर र जीवन विकास लघुवित्तको सेयर मूल्य ठ्याक्कै १० प्रतिशतले बढेको छ ।
यस्तै, युनियन लाइफ इन्स्योरेन्स, ङादी पावर र हिमालयन ऊर्जा कम्पनीका सेयरधनीले पनि करिब १० प्रतिशत कमाएका छन ।