१२ असार, ललितपुर । प्रधानमन्त्री एवं नेपाल कम्युनिष्ट पार्टी (एमाले) का अध्यक्ष केपी शर्मा ओलीले आज आफ्नो पार्टीको सदस्यता शुल्क र लेबी तिरेका छन् । सो पार्टीको केन्द्रीय कार्यालय, च्यासलको वित्त तथा कोष व्यवस्थापन विभागमा आफै पुगेर आर्थिक दायित्व तिरेका हुन् ।
अध्यक्ष ओलीलाई केन्द्रीय कार्यालयका सचिव डा भीष्म अधिकारी र लेखा प्रमुख राजेन्द्र श्रेष्ठले रसिद बुझाए । एमालेमा प्रधानमन्त्री पदमा रहेका व्यक्तिले मासिक २५ हजार बुझाउनु पर्ने नियम बनाइएको छ । सामाजिक संजालमा भने राज्यको तलव कोष पार्टीलाई बुझाएको भन्दै आलोचना हुने गरेको छ ।