काठमाडौं । नक्सापास नगरी अवैध रुपमा बनाइएका अनधिकृत संरचना हटाउन काठमाडौं महानगर आक्रमक रुपले लागिपरेको छ ।
एउटा प्रयोजनका लागि नक्सा पास गरी अर्कै संरचना बनाइएको स्थानमा महानगरले त्यस्ता संरचना धमाधम भत्काउन थालेको हो ।
केही दिनअघि मात्रै नयाँ बानेश्वर क्षेत्रका अन्डरग्राउण्ड पार्किङमा संचालन भएका पसलहरू भत्काएको महानगरले आज काठमाडौंको मुटु मानिने सुन्धारास्थित काठमाडौं मलमा डोजर चलाएको हो ।
बुधबार बिहान मेयर बालेन्द्र शाह (बालेन), काठमाडौं उपत्यका ट्राफिक प्रहरी प्रमुख मीरा चौधरीसहित काठमाडौं मलमा पुगेर अनधिकृत संरचनामा डोजर चलाइएको हो ।
त्यस्तै, बुधबार नै महानगरले खिचापोखरस्थित आरबी कम्प्लेक्सले अनधिकृत रुपमा बनाएको संरचनामा डोजर लगाएको छ ।
यसअघि महानगरले नक्सा पास विपरीत बनाइएक संरचना हटाउन ३५ दिने सूचना जारी गरे पनि सम्बन्धित घरधनीले वेवास्ता गरेपछि महानगर आफैं त्यस्ता संरचना हटाउन लागि परेको हो ।