काठमाडौं । सत्तारुढ नेपाल कम्युनिष्ट पार्टी (नेकपा) सचिवालय बैठक शुक्रबार दिउँसो चार बजे बस्ने भएको छ । प्रधानमन्त्री तथा अध्यक्ष केपी शर्मालाई बैठक बोलाउन अन्य सचिवालय सदस्यले चर्को दवाव दिएका थिए ।
महासचिव विष्णुप्रसाद पौडेलले सचिवालय बैठक शुक्रबार दिउँसो बस्ने जानकारी सचिवालय सदस्यहरुलाई गराएको नेपाली संचारमाध्यमहरुले उल्लेख गरेका छन् ।
नेकपाका कार्यकारी अध्यक्ष पुष्पकमल दाहाल (प्रचण्ड) सहित पाँच सचिवालय सदस्यले पटक पटक प्रधानमन्त्री समक्ष तत्काल सचिवालय बैठक बोलाउन माग गरेका थिए ।
प्रचण्ड पक्षमा बहुमत रहेका कारण प्रधानमन्त्री बैठक बोलाउन बाध्य भएका छन् । प्रधानमन्त्रीले बैठक नबोलाए आफैले बैठक डाकेर आवश्यक निर्णय लिने तयारीमा प्रचण्ड थिए ।