काठमाडौं । अफगानिस्तानको दक्षिणी कान्दाहार प्रान्तमा २१ तालिवान मारिएका छन् । अन्तर्राष्ट्रिय संचारमाध्यमहरुका अनुसार सरकारी सुरक्षाफौजको कारबाहीमा ती लडाकु मारिएका हुन् । थप १३ जना घाइते रहेको बताइएको छ । तालिबान लडाकू लुकेर बुसेको इलाकालाई लक्षित गरी सेनाले आक्रमण गरेको अफगान हवाईबलको भनाई छ । बलले विज्ञप्ति जारी गर्दै यसको पुष्टी गरेको हो ।
कान्दाहारको आर्घान्दाब र झारी जिल्लामा हमला भएको हो । कारबाहीको क्रममा सेनाले विद्रोही तालिबानले योजना गरेको २२ बारुदी सुरुङ र विस्फोट पदार्थ समेत निष्क्रिय बनाएको बताएको छ । सेनाले खोज तथा घेराबन्दी सैन्य कारबाही थालेपछि विद्रोही तालिबानको बलियो उपस्थिति रहेको कान्दाहारमा सुरक्षा व्यवस्थामा पछिल्ला केही महिनादेखि निकै सुधार आएको समेत संचारमाध्यमले लेखेका छन् ।